【本報訊】43萬元可救活一條命，你我也可救救他！46歲的劉志堅在廚房默默耕耘苦幹半生，望在人生不惑之年豐收，去年底卻證實患上急性白血病，幾經辛苦在台灣覓得合適骨髓，卻因身體癌指數高企，未能接受可助續命的骨髓移植手術。醫生建議病情嚴峻的阿堅注射五針Clofarabine嘗試降低癌指數，否則只餘下半年壽命。站在生死邊緣的阿堅無力支付43萬元藥費，盼善心人施以援手，讓他抓緊最後希望。
記者：胡仲邦 盧勁業
醫生建議阿堅注射的化療藥Clofarabine，須連續注射五天，此藥不在醫管局的資助範圍，病人須自費購買。有藥帶來希望，阿堅本應開心，惟對於出身基層的他來說，43萬元是天文數字。阿堅無奈說：「阿哥家姐嘅骨髓唔適合，幾個月前醫生話畀我聽喺台灣搵到脗合嘅骨髓，我即刻有番希望，點知化療效果一直麻麻，身體狀況唔適合做移植，好唔開心。」現在又面對有藥無錢醫，彷彿判他死刑。
為阿堅主診的聯合醫院內科專科醫生林炎坤表示，阿堅接受過四種化療療程，也未能降低癌指數，現時其身體癌指數為33%，必須將指數降低至5%，其身體才適合接受骨髓移植。他指出，Clofarabine化療藥是透過影響細胞基因來控制癌細胞，若能成功降低其癌指數及進行骨髓移植，阿堅有機會完全康復，「呢隻藥已經係最後可以用嘅方法，佢既然搵到骨髓，希望可以幫到佢做到，所以建議佢試，越快打針越好」。
盼望與各地廚師交流
躺在病床的阿堅因無力支付高昂藥費，幾日來鬱鬱不歡。回顧勞碌半生，最大成就是為漫畫家黃玉郎所煮的一席飯，「我自細好鍾意睇漫畫，黃玉郎係我嘅偶像，有一次曾經好幸運，佢去我做嘅餐廳，食我煮嘅嘢，好開心！」說起這一段10多年前的經歷，阿堅臉容才稍為放鬆。
父母已雙亡的阿堅沒甚麼家累，卻有一個多年未償的心願，「我一直好希望可以出國同世界各地嘅廚師交流，但係未實現到夢想，就已經患重病，好唔甘心」。現在阿堅眼前的唯一希望，便是盡快接受上述化療療程，「我只係一個好平凡嘅香港人，勞碌一生，冇乜成就，但同其他人一樣，唔希望自己咁後生就結束生命，希望有人心幫吓我，如果唔係咁難得搵到骨髓都冇用」。
「劉志堅」捐款編號：C3115
網上捐款：
http://charity.appledaily.com.hk/donate