【本報訊】外圍經濟欠佳，港股反彈乏力，財金界亦屢屢傳出裁員，金融海嘯將重臨？香港奢侈界別「寒暑表」、二手名牌袋集散地米蘭站（1150），其主席姚君達用肯定的語氣指「仲未嚟到」，皆因尚未見顧客拿限量貨品放售，近期每個月更仍可售出逾280個5萬元以上的手袋。記者：陳健文
姚君達說：「喺08年嗰次金融海嘯，應該係喺09年初嗰陣時最厲害，連一啲無喺街見過嘅限量貨品，啲人都會拎嚟賣，家又真係仲未見到……咁嗰時由於個市差，我哋個買入價就會調低10%，但由於出貨價都會同步調低10%，利潤率不變。」
貴價袋銷情未放慢
「若果今次真係好似條街咁傳，財金界會喺今個月底開始派信嘅話，計埋老公叫老婆收手唔買嘢嘅時間，我估可能要出年第一季，啲好嘢先會蒲出嚟。」姚君達說。
根據米蘭站的招股書，08年時收益及溢利分別約5.12億及4602.8萬元，09年時收益雖升至6.11億元，惟溢利則跌至3916.3萬元。到2010年，收益及溢利則升至約7.3億及5431萬元。08及09年的毛利率分別約23.5%及23.9%，2010年亦維持相若水平。
金融海嘯未「打到嚟」，限量貨品未出現，女士們仍前仆後繼來米蘭站「掃貨」。
姚君達說：「黃金周我哋嘅銷售額大約有2200萬元，按年升約36%，近排最好賣嘅依然係5萬蚊樓上嗰啲袋，每個月都仲係賣緊超過280個，唔覺有放慢迹象。」
爭輸舖非睇淡後市
得到各方支持，米蘭站近期銷情並無放慢，生意好到不得了，但在本月初居然「爭舖輸咗」，該銅鑼灣舖業主還要是姚君達本人！連自己旗下公司都無情講？
姚君達說：「咁人哋畀到140萬元一個月，米蘭站真係畀唔到，咁在商言商無法啦……我又唔認同呢件事反映我哋睇淡後市，只係人哋出價太好，將廣告費包埋喺舖租度，米蘭站在香港銷售點已好強，毋須要keep咁多，我覺得出年舖租會跌㖭。」
他表示，目前香港的11家分店，因全部都是位於傳統零售旺區，已經「好夠」，預期未來香港每年生意可取得雙位數字增長，主要是由顧客增加及產品價格上升帶動，日本來的對手尚未構成太大競爭壓力；放眼未來，中國市場才是集團未來的增長亮點。「預計大陸投資期大約3年，家先得3間分店，希望4至5年有收成。」姚君達說。
米蘭站發展史
2001年：第一家米蘭站在尖沙嘴開業
2003年：與永亨銀行合作推出聯營卡，推出分期付款買手袋計劃
2007年：進軍澳門及台灣市場
2008年：進軍內地市場，在北京開設首家分店
2011年：在本港主板上市，目前總分店數目達15家