有人話一日之計在於晨，計我一日最大嘅挑戰亦在於晨！試問有幾多人朝朝早會乖乖自動起身返工返學？想賴床，一個唔小心隨時遲到！要同睡魔周旋到底，呢個《起床大作戰》App可能幫到你！只要你一賴床，App就會自動發一則你嘅賴床帖上微博，等全世界都知你係爛瞓豬。App仲會統計埋你嘅起床成功率，相當有趣！可惜嘅係佢唔對應fb，而且對臉皮厚嘅人亦冇咩幫助。