早排報警話俾中醫師非禮嘅沈卓盈，噚日谷胸出席喺鑽石山嘅天然健康店開幕，仲派禮品畀市民，佢話現場有保安唔驚被博懵。沈卓盈話滿意自己身形，問佢上圍夠唔夠豐滿？佢話：「夠用嘅，但之前試過用錯方法減肥瘦埋前面。」問男友滿唔滿意佢上圍？沈卓盈話：「滿意嘅。」至於單涉嫌非禮案，沈卓盈話未完結，但最唔開心嘅階段已過咗。