81歲的麥伯自言從未與人打架，但深諳自衞搏擊之道。他說：「如果佢哋得兩三個人，佢哋一定埋唔到我身。」十多年前他遷入將軍澳，揚言即使今次遇劫受創，亦無阻他多年的晨運習慣，但以後會以手指夾緊鎖匙，當成武器「鐵蓮花」自衞。
怨對方父母管教無方
自言「將生死當做閒事」的麥伯，聲稱做過七十二行，勇字當頭。他憶述一個兒時經歷，當年日軍侵華，一名日本兵到他家，向年僅9歲的他苛索食物。「個日兵話要『他媽哥』，即係雞蛋，我畀咗佢；跟住佢又話要『他爸哥』，即係煙仔。我話冇，佢就要攞我啲雞乸。我梗係唔畀啦，佢就用槍頭把刀係咁嚇我。」他說，他死不退讓，驚動日本軍官到場，了解後讚他勇敢，反趕退屬下士兵。
事隔多年，麥伯面對的，卻是一班欺負老弱的年輕同胞。他形容當時情勢危急：「個陣爭命，唔係你死就係我亡。」但他未有埋怨涉案青年，反而認為是他們的父母管教無方。
《蘋果》記者