彭順導演、李心潔、楊采妮主演嘅《夢遊3D》日前喺第24屆東京國際電影節舉行世界首映禮，佢哋都有去東京宣傳。彭順喺首映後同觀眾分享，佢自爆係玩具迷，喺片中仲出動私伙機械人玩具，佢話：「心潔喺片中要掉我個玩具，佢非常樂意重演這一幕。」而近日是非纏身嘅霍思燕就獲大家送上蛋糕慶祝佢牛一，大家仲即時自拍趣怪合照，十分搞鬼。