英超諾域治上周六作客1:1和利物浦，爆出個小冷門，而「金絲雀」可以逼和紅軍，原因係同佢哋門將魯迪（圖）左飛右撲有關。唔好睇呢位英格蘭門將只係得25歲，查實佢實戰經歷豐富，自04年已不斷被借用累積經驗。愛華頓就唔識貨，淨係識得喺05至10年期間外借佢，又唔享受成果，仲喺舊年賣斷佢，等佢加盟諾域治。