喺上月歐聯曼城對拜仁嘅下半場，坐後備席嘅泰維斯話自己已經熱夠身，準備好出場，所以拒絕再去熱身。就呢件事，據報曼城會罰佢6個禮拜人工。泰維斯今次除咗個朵臭晒，仲唔見咗成150萬鎊（約1,860萬港元）。而泰維斯好不滿，叫律師寫咗封信畀球會，指呢件事令到佢聲名受損，不過有啲嘢係自作孽，冇得怨人。