黎耀祥同張可頤噚日率領無綫劇《法證先鋒III》一班演員去中環參加接力賽，但吳卓羲之前拍戲整傷韌帶冇落場。前兩集露bra獲網友讚身材好嘅陳茵媺，噚日跑步時出現波濤洶湧嘅情況，好多市民猛叫佢個名，又話要飲咖啡，擺明笑佢有位咖啡王子男友陳豪。
着bra場戲咁受歡迎，問茵媺會唔會拍內衣廣告？佢話：「歡迎，但都睇類型再決定。」講到場露bra戲睇到茵媺腋下有疤痕，惹嚟隆胸疑雲，佢話唔介意人哋點睇。聽到陳豪幫佢澄清，茵媺即刻冧笑。
對於茵媺露bra刺激高收視，祥仔話：「下次我又露多少，操弗啲露一露。」祥仔知吳卓羲試過同林峯喺劇中背部全裸，佢話：「試吓拉埋吳卓羲，但係收視冇特別目標。」提到緋聞女友張馨予以性感打扮出席東京電影節，吳卓羲話：「藝人着性感衫有保護自己嘅方式，佢識處理。」講到接唔接受女友性感，吳卓羲只話：「着得靚。」
吳卓羲情困走音
另外，最近被傳同張馨予情變嘅吳卓羲，前晚喺無綫節目《善心滿載仁愛堂》獻唱，唔知係咪受情變困擾，搞到走音收場。
