力寶華潤（156）今年以嚟，股價質咗近五成，NAV折讓又見吸引，開始。力華嘅投資物業當中，包括上海力寶廣場（應佔48.9萬平方呎），項目兼且位處淮海中路呢個超靚地段。不妨計計數，力華家陣市值約莫11.5億銀，折合力寶廣場每方呎2350蚊。而呢期上海寫字樓買賣承接呎價，閒閒哋每方呎講緊4000蚊至7000蚊不等。即係話，單係力寶廣場一幢物業市值，已經肯定超過力華本身市值，力華殘到不堪。又力華最新NAV0.485元，集團低殘價相對折讓65%，亦係好吸引。呢轉港股仲時而大驟雨，力華若果仲調整，實8月嗰個下跌通道0.15元兜轉，向上博30%升幅，到0.195元，折讓仲高達60%。
丹楓轉強趁勢追
丹楓（271）最新NAV2.7元，現價0.61元折讓為七成七！而集團手頭揸住物業，包括優質豪宅紅山半島，磚頭重秤到痹，抗跌力極強。又不妨保守將NAV打個7折好未？丹楓NAV1.89元，折讓仍然高達67%，誇張到爆。不訪趁上周五安寧系大幅炒上，趁勢追入，博丹楓升20%，就算此目標股價仲未有耐到NAV。
錢雋