聽過如此一個有關失明人士的笑話，話說有日手持枴杖的失明人士阿基，站在馬路口駐足良久，路過的阿明看不過眼，一片好心之下就在轉綠色行人燈時，快手快腳拉了阿基過馬路，阿基一句話都未講得完就已經「順利」過渡，阿明放手之後說：「呢條馬路好多車㗎，OK，過咗喇！」「係呀，唔該晒。不過其實我喺對面係等緊朋友，唔係想過馬路呀！」阿基講完，自己行返過對面……
年輕時看過莊陳有先生的自傳，講到他孩童時代雖已失明，仍能與朋友在屋邨走廊踢西瓜波，靠的就是隊友提場以及西瓜波的聲響，當時聽來已覺得神乎其技。在08年的殘奧會中，見識到中國足隊的10號仔，雖然乜都睇唔到，但他在5人賽仍可以扭過3個對手才勁射破網，其神奇超卓之處，不下於美斯仔。
坊間近年開始流行各種不用眼睛的體驗，讓大家摒除雙眼行先的習慣。在加拿大有一家餐廳提供二人套餐，但燭光都欠奉，所有食物都在黑暗中上枱；據試食的主持人表示：「好好味，好有驚喜，因為未擺到入口，都唔知食緊乜！」
香港近期也出現了「與黑暗同行」的體驗活動，一人一支枴杖在漆黑中經歷盲人生活點滴，當我剛驚嘆帶隊的姐姐為何能健步如飛時，在耀眼的出口處找到了答案，她看不到，但笑容裏充滿自信。
上周末又再見識到這個熟悉的笑容，不止一個，十多個男女老幼組成的盲人足球隊，每個在5人足球場上追逐時都掛着笑臉，非常珍惜難得的踢波時刻。他們的練習在黃昏6時才開始，但有幾個熱血的中午就已霸場熱身。
這支成立不久的盲人足球隊，成員中有着不同程度的弱視，為公平起見，比賽期間都會戴上眼罩，我膽粗粗的加入玩埋一份，才發現沒有了視力之後，變了一種動物──企鵝，舉步為艱之餘，對隊友和教練的提場，只能「哦哦」地亂應一通；而他們呢，又畀波又搶波又入波，幾好玩呀，受埋我玩啦，唔好唔理我呀！
離場後搭地鐵，看見有個籌款活動的宣傳，寫着懶好笑的一句──出得嚟行，預咗救盲。我心諗，唔係我哋救佢哋，反而係想佢哋教教我，點樣用心眼睇嘢！
keyman