兼顧歐洲賽對於中型班是負累，史篤城今季戰績好，但兩場令人失望的敗仗，都是在應付歐霸之後的作客賽事，對手只是新特蘭及史雲斯，明顯賽程影響，可惜今次是作客阿仙奴，主隊熱而不穩，便無謂信攤路買主W。
另一支中型班富咸反而神奇，兩次歐霸回來居然分別逼和曼城而大勝昆士柏流浪，不過還是相信邏輯，舟車勞頓之後始終要打折扣，尤其富咸在歐霸曾創佳績，更加有心兩面兼顧。今次回師主場面對愛華頓，主W2.15倍是有偏冷感覺，莊家並不睇好。愛華頓連輸3場，可是都面對較強對手，不足為據，當然今季人腳有所削弱。領隊有料，善於提攜新血，相信其後可漸入佳境。久守強隊力有不逮，對同級球隊則不會輸蝕，有以逸待勞之利，下盤看來機會甚大。
曼市打吡當然是焦點，社區盾一役打得燦爛，經過一輪運作，雙方更加暢順，令人期盼。可是正因社區盾一役大交收，大家收了知己知彼之效，相信會改善後防漏洞，特別是當時是曼聯門將迪基亞首次在正式比賽擔正，緊張影響了發揮，失球有責任，現時信心提升，可望比較穩健。
曼巿打吡吼半和
今屆曼聯對阿仙奴及車路士都大額交收，上次對利物浦弱陣才開「細」，所以入球「大」偏熱，但這類榜首大戰，戰情通常反而比較膠着，有社區盾經驗，更加大機會呈反高潮，入球「細」固然可取，自己會走偏章博半場和，博兩隊上半場無交收，始終文仙尼足比較保守，又見過車路士慘敗，更加會先行穩守。
黃國英
混合過關
星期日22愛華頓（下）x
星期日23曼聯[半和]（2.15）2x1