陳慧琳（Kelly）、林峯和趙雅芝前晚以代言人身份，在上海出席依波路錶155周年活動，他們悉心打扮出席，其中Kelly穿上由好友奚仲文設計的珠片裙出現，閃爆全場，趙雅芝老公黃錦燊陪同老婆出席，十分恩愛。不過當Kelly由台下升上來時，現場見她表情尷尬，事後Kelly解釋原來當時助手仍為她整理靚裙。
乖仔變堅強
提到當晚Kelly穿的價值五位數字珠片裙，之前曾在家中試身，她說：「蝦餃仔（囝囝劉昇）見到條裙咁閃好鍾意，係咁拍門，一見到我就呱呱叫，係咁攬住我要我抱，抱咗又唔肯走，係咁睇住我條裙。」
經常要飛來飛去，會否不捨得蝦餃仔？Kelly表示當日早上照送他返學，然後才到機場出發，她亦有向蝦餃仔解釋要工作，希望他明白。稍後Kelly要拍賀歲片，要往深圳開工，會否向蝦餃仔備案離家？Kelly表示：「唔講住，怕佢喊，不過佢都好堅強。」
林峯想放假
林峯近日在北京拍戲，他透露今年已為無綫拍完劇，暫時主力在外工作，他說：「我家一年會幫無綫拍一套劇，不過家好想放假，因太耐冇放過，想個人充吓電。」
採訪、攝影：曾小嘉