最近看過一些碟評寫這套《EnochLight-TheTop-FiveAlbums》，部份碟評人犯了唔應該犯的低級錯誤，對真正的演奏者太唔尊重。這一套3張的敲擊樂靚錄音，由《PersuasivePercussion》及《ProvocativePercussion》系列5張於60年代錄製的大碟組合而成，3CD雙碟價抵買到極。後生樂迷可能感到陌生，但玩音響有番咁上下年資的發燒友，相信無不認識綽號「波波碟」的幾張敲擊樂名盤。用敲擊樂器作主打，伴以多件真樂器，以生鬼、有趣風格演繹流行曲的《PersuasivePercussion》一炮而紅，聽住數件敲擊樂器於左右聲道走來走去，過癮度絕對係爆趣級，難怪當年曾榮登美國流行大碟榜冠軍。本碟主角EnochLight係知名監製，亦係樂隊領班，更係唱片公司老闆，但絕對唔係敲擊樂大師，真正演奏者其實係TerrySnyder&TheAllStars才正確。
文：李廸偉