國際足協公佈2014年巴西世界盃決賽周嘅比賽時間表，小組賽開波時間分別喺香港時間凌晨12點、3點、早上6點同9點，冠軍戰就會7月13日凌晨3點喺里約熱內盧嘅馬拉簡拿球場舉行，對捱慣眼瞓睇波嘅香港球迷嚟講，問題應該唔大，不過，遇上部份喺朝早上演賽事，返開辦公室時間嘅打工仔如果想睇波又唔想遲到，就可能要請假喇。