賭王何鴻燊日前有傳因感冒入住養和醫院，後來四太梁安琪話賭王只係入院接受例行檢查，前日三太陳婉珍同超雲現身探望，噚日就輪到二房嘅何超瓊現身醫院探望賭王，而超蕸亦有出現。超瓊探完賭王離開醫院時，記者問賭王精神好唔好？超瓊就話：「好好呀。」記者再想問賭王幾時出院時，超瓊已一個箭步上咗車未有回答就匆匆離去。