上季英超僅僅護級成功嘅布力般流浪，今季只贏得一場，排緊包尾，球迷自然對教頭卻恩（圖）唔多鍾意，講明會喺嚟緊星期日主場對熱刺賽前同賽後，發動新一輪遊行示威，要求呢位蘇格蘭領隊退位讓賢。不過球會印籍班主同埋球員仍然充滿信心，射手耶高保話球員上下家仍然好團結，叫球迷畀啲耐性喎。