糖兄妹噚日去到將軍澳電視廣播城為無綫宣傳《樂遊約克郡》旅遊特輯。着住宮廷裝嘅糖妹俾人取笑話佢想挑戰周慧敏嘅宮廷谷胸裝，糖妹即澄清冇束腰亦冇谷胸，不過佢話如果將來結婚，就可能會考慮谷胸上陣，呢頭講完嗰頭佢又話最後都應該只會着高領嘅婚紗，佢搞笑話：「一世人做一次英國女人就已經足夠。」