徐濠縈前晚到尖沙嘴連卡佛欣賞新一季的秋冬服飾，阿徐笑言不時被品牌邀請，坦言酬勞十分不錯：「一定OK先出嚟，唔OK都叫唔郁我，我要睇個女啲功課同陪佢上床瞓，所以一係友情價，一係就好好價。」
催返家陪瞓
阿徐近日忙於為其時裝店訂貨落單，她自爆經常被女兒康堤詐型：「試過晚上11點幾我有活動，個女打嚟問我做乜唔返嚟陪佢瞓，仲叫即刻返嚟，活動未完我就要走，搞到自己好似灰姑娘。」就連爸爸陳奕迅（Eason）都呷醋女兒只跟媽咪。
提到再生B，阿徐表示自己十分喜歡小朋友：「等40歲先，仲有3年時間，想生多兩個，不過陀BB就要搵人代替工作，Eason都想生，個個男人都想多啲仔女。」
採訪：馬建華
攝影：陳順禎