曼谷是港人「短線」度假勝地，市中心因仍未見水浸，不少香港旅客繼續行街購物，但輕鬆心情蒙上陰影，最怕「浸咗機場返唔到香港」。他們均坦言一早已訂了機票酒店，不想浪費金錢，加上港府無發出旅遊警告，於是「博一博」繼續行程。
香港學生何小姐（22歲）昨在曼谷旅遊區逛街，她說知悉曼谷正被洪水圍困，但坦言︰「都係行街Shopping、食吓嘢，唔會去外圍，暫時無乜影響，會留意住新聞。」不過她說昨午收到在港父母電話，告知她「好似會發災難警告」，她聽後確有點擔心。
由於港人多不懂泰語泰文，看不懂當地新聞，故獲取最新洪災消息有限。在港當會計的林小姐（26歲）打算在曼谷留四日，至周日才返港，她坦言掌握的資訊是「零」，不斷追問記者︰「係咪好嚴重?機場浸咗咁點走?」27歲香港文員胡小姐則說︰「嚟之前都有睇新聞，啱啱又有親友喺曼谷返港，話無乜事，唔嚟都無錢退，咁咪博吓囉!好彩聽日（今日）就走。」