「毛毛台」一向睇死演員同幕後嘅人走唔出佢哋手指罅，所以喺薪酬、工時同工作量都刻薄到爆，大家以為最近毛毛台係咁畀「為記」㩒住打，拉走咗一班精英，以為毛毛台會對員工同演員冇咁刻薄，不過有毛毛台嘅員工同關仁呻，話大家都唔敢奢望「陸老闆」會因為呢次挖角潮加大家人工，只希望唔好再刻薄落去啫，但點估到陸老闆家連所有演員同工作人員飛去外地公幹嘅機票所賺得嘅飛行哩數，全部要歸公司所有，就算係商戶出錢畀嘅機票賺番嚟嘅飛行哩數都要沒收，唉，連員工同演員飛行哩數少少下欄都要算到盡，真係服咗佢！撰文：關仁