【本報訊】「差20秒就可能砸中我！」荃灣廣場吉之島LivingPLAZA一列貨架前晚突然砰一聲倒塌，剛巧在上址購物的女子20秒前經過塌架位置，突感到地下震動已心感不妙，立即轉彎行去隔籬行，貨架即連貨物應聲倒下，幸無人受傷。
顧客轉彎行開即倒下
陳小姐前晚約9時下班後，相約女友人到荃灣大壩街荃灣廣場吉之島LivingPLAZA購物，該處主要售賣12元貨品。當陳小姐及友人行到一列擺放鏡子、玻璃樽及相架等生活用品的貨架前時，突然感到地下震動，頓時感到不安，遂轉彎行去後面一行繼續購物。豈料，她們甫轉彎已聽到有貨物墮下的聲響，未幾一列貨架砰聲倒下。
「好彩有幅牆頂住，如果唔係分分鐘形成骨牌效應，好危險！」附近的收銀處職員見狀立即走出查看，並高聲呼喊：「有冇人喺入面呀？」陳小姐稱當時該處人流不多，其後相信無人被困，職員即用圍板封住現場。陳小姐事後猶有餘悸，「以後都唔夠膽再去！」
吉之島發言人稱，正調查意外原因，並會全面檢查店內其他貨架的安全。