身材健碩嘅黃德斌俾廣告商睇中，重金邀請佢擔任男性護理品牌嘅代言人，佢仲騷一身嘅肌肉拍廣告搵銀，拍攝當日佢上身赤裸，下身着住緊身boxer短褲，打拳又舉重，吓吓力嘅表現，淨係睇相都令男人同女人恨到流口水。擁有咁弗嘅身段，佢話每餐都只會食7成飽，又日日做運動，keep住游水跑步，唔好見佢外表粗獷，佢仲會日日搽潤膚露令肌膚更清爽，貪靚果然不分男女。