有報道話佘詩曼積極帶頭拉攏無綫藝人過檔去王維基嘅城市電訊合作，噚日阿佘所屬嘅創藝製作發行有限公司，嗱嗱聲發聲明力撐阿佘，證實阿佘從來都冇參與公司嘅決策同商業活動。創藝製作發行有限公司嘅聲明話報道令阿佘嘅聲譽受損，會保留法律追究權利，又話創藝製作同城市電訊之間嘅合作本旨，會為本地藝人提供更大嘅發展空間。