【本報訊】食環署性騷擾案續審，被指以言行侮辱女同事的被告出庭自辯，堅稱自己清白。但他作供期間，大爆署方內部的混賬情況，例如上司與下屬亂搞男女關係，如要升職或獲得優差，必須攏絡高層。他又謂同事間平時甚清閒，愛說是非，又承認署方員工「比較低下啲、粗俗啲」。
案發時與原告A女士同為食環署助理小販管理主任的被告陳偉棠，昨日出庭自辯。他指撞破A與一名羅姓前上司在街上並肩而行，狀甚親密。他不認識羅，但知道他的姓名。
被告繼續解釋謂：「食環署人際關係好犀利，識得上邊啲人，升嘅機會大啲，做嘅崗位都好啲。佢哋大嘅唔識得細，但係我哋細嘅一定識大嘅。」
個個八卦得閒講緋聞
被告又認為A與羅相約吃飯，「咁即係有嘢啦」。此言引起主審女法官黃慶春不滿道：「家唔係一百年前嘅社會呀，唔通逢親男人同一個唔係自己太太嘅女人出街食飯，就係有嘢？」被告立即辯稱曾因類似情形而遭太太懷疑，才會有此想法。法官追問被告是否與該女性「有嘢」，被告卻不置可否。
被告進一步解釋謂：「我哋食環署好多上司下屬都有男女關係，真係好多好多，呢個係事實。而食環署個個都好八卦，好多時冇嘢做，就講吓同事緋聞。食環署文化就係講人是非。」
至於為何稱呼A為「靚女」，被告又捧出食環署作辯解說：「食環署文化係比較低下啲、粗俗啲，因為成日都接觸低下階層。家新入職個批有啲大學生，比較斯文，但佔嘅人數唔夠5%。」
代表A的大狀指出，食環署高層亦認為被告嬉皮笑臉，口花兼愛以性話題佔女同事便宜，又不時吹噓自己容易與異性結識及上床。
辯稱熱情否認性騷擾
被告只稱自己為人熱情開朗，否認性騷擾指控。
至於A的上司劉繼明作供時，承認接獲投訴後曾對A謂：「你知啦，當有事嘅時候，就冇咁多人挺身而出。」劉解釋此言是要勸解A投訴前要慎重考慮：「如果有人幫就有幫助，反之如果個個畏縮，就好嚴重。」
案件編號：DCEO7/09