黃子華講過，唔靚仔就無機會拍戲，講演技才華，又唔一定爭贏。但偏偏有唔少公認的影帝都不是事必靚仔，譬如劉青雲。即使人人都話港產片沒落，但在強國市場下仍找到第二春，每年逢有新戲上，青雲總佔一要位，講質素和口碑都令老闆觀眾放心。與郭藹明（Amy）結婚13年，形象予人男主外女主內，但青雲說：「實情係女主外男主內。」即是老婆大晒，如此沒缺失的好男人，唐英年要學。
記者：雷福財
攝影：陳盛臣、伍慶泉
模特兒：Kathy@StarzPeople
買乜好？買自己
回顧暑假檔期，港產片只有《竊聽風雲2》能坐擁過千萬票房，青雲配上古仔同吳彥祖，威力自然十倍放大。但單拖上陣的《奪命金》，由杜Sir執導，一樣入圍威尼斯影展及2011多倫多影展，再次證明影帝實力，坦言唔諗攞獎。兩部作品同樣講炒股為主軸，兩者有何分別？青雲：「今次係演一個過氣黑幫分子。偶然下遇到一位炒股朋友，便開始以過去黑幫的經驗及哲學去幫手炒股，演法上較《竊聽2》Drama、無咁商業性，好唔杜琪峯風格，睇過你就會明。故事貼實反映普羅大眾對炒股的心態，即是你唔係好知股票係乜都會買，有點像去賭錢一樣，博一博的投機心態。現階段先專注票房，希望觀眾鍾意，其他的事不會想太遠。」原來這十幾年來，香港人仍擺脫不了Number降。
保值不如增值
唔炒股，買樓買鑽買黃金應該最保值吧，但在青雲哲學中認為與其講保值，不如增值。「唔知呢，我覺得呢個世界已經無乜特定一樣嘢可永遠保值，惟有買（投資）自己，繼續進修、保持自我優勢，呢個係最好方法。因為買乜都有升有跌，你買鑽石、手錶甚至古董都有上落，當所有人賺到錢，經濟好先會推出嚟賣，咁樣先會賺得盡。但手錶，我買得就預咗唔賣，只作收藏。」潛台詞是無能力搵錢，無本講乜都假，老土但實際。
定情鋼錶 戴足20年
劉青雲夫婦結婚13年，鏡頭前後予人恩愛如昔的印象，當年郭藹明所送的手錶戴到今日都仲戴緊，長情如此，都算經典。「91年拍攝《大時代》後開始拍拖，之後就送咗隻鋼帶錶作為生日禮物，現在他平日亦會戴着。」藹明笑着說，如你也在現場，外人都能感受當中的Sweet！難怪有說送錶等同送給對方一個重要Moment，不為過。
兩人被問及相處Tips，青雲笑答：「唔好結婚囉。」藹明搶說：「唔好理佢。其實每對情侶都要耐性同溝通，找出兩人合適相處方法，懂得互相遷就。」繼續男主外女主內？青雲：「實情係女主外男主內，我只是煙幕，哈哈。」若說青雲是鐵漢柔情，大家都不反對，至少老婆在場，一向Cool爆的他都如孔雀開屏，盡顯幽默一面。
女人 咩錶都要有
青雲鍾情鋼帶錶背後還有原因。「我天生大汗，夏天時更甚，戴鋼錶相對方便，唔怕弄污皮質錶帶，通常踏入秋冬季才轉錶戴。最好有埋防水功能、質料耐磨更好、設計簡單。如像今季新登場的Baume&Mercier新作，錶帶設計令人戴得舒服，錶面佈局很簡約，自己很喜歡。」覺得女人戴甚麼錶最好看？「時下女性同上一代已經不同，是沒有框框的年代，最重要自己覺得靚又Afford到，年紀同路線不是成正比，更重要現在不買，將來錶價只會更高。」既然如此，女士們一於賺錢買錶戴，雅俗共賞。
影帝錶準選
鮮色選
金銀選
鑽石選
純白選
a.Baume&Mercier（25327288）
b.LinksofLondon（22953328）
c.Tiffany@東方表行（28384433）
d.ToyWatch（28318982）
e.Chaumet（25369338）
f.ckCalvinKleinWatch&Jewelry（25105260）
g.EmporioArmani（24371395）
h.MarcbyMarcJacobs （29560886）
i.德信表行（28935290）
j.Chanel（28100978）
k.Cartier（25222963）
l.JuicyCouture（21182982）