向來「牙擦」嘅皇家馬德里主帥摩連奴（圖），估不到喺個囝囝面前亦不失其本色；話說摩帥日前同屬於皇馬青年軍嘅兒子打賭，表示如果囝囝喺比賽獲勝，就會帶全隊去睇皇馬嘅歐聯比賽。由於條件太吸引，一眾球員踢得非常落力，結果摩帥個仔嗰隊真係勝出，一眾皇馬小將喺星期二就可以喺現場，親身一賭摩連奴督師鬥里昂嘅英姿喇。