徐克執導嘅3D武俠電影《龍門飛甲》，演出嘅有李連杰、陳坤、范曉萱、桂綸鎂同李宇春，原來開拍之前，范曉萱、桂綸鎂同李宇春對大家嘅角色都有興趣，結果搞到角色爭奪戰。桂綸鎂就鍾意范曉萱嘅角色：「我更想演范曉萱飾演的素慧容，我跟導演說想演這角色。」但遭徐克拒絕。范曉萱就話徐克形容佢個角色似水，搞到佢一度迷失。