關仁隱事:「Crying哥」外母被鬧劈炮 - 關仁

關仁隱事:「Crying哥」外母被鬧劈炮 - 關仁

「Crying哥」喺螢光幕上黑白兩道都吃得開,人人都畀幾分薄面,但現實生活同拍劇始終兩回事。
原來Crying哥同外母大人份屬同事,大家一齊喺三色台打工,不過外母大人喺嗰度做咗卅幾年行政工作,本來仲有幾個月就光榮退休,點知就喺呢個時候嚟咗個新上司,關仁聽聞佢成日喺眾目睽睽下鬧爆Crying哥外母,話之你係邊個嘅親戚。俾人鬧到狗血淋頭,外母大人覺得好冇癮好冇面,忍無可忍之下,就算差幾個月就可以攞退休金,都唔肯忍落去,決定立即劈炮唔撈,Crying哥亦愛莫能助。
撰文:關仁