甄子丹太太汪詩詩是模特兒出身，姨仔汪圓圓也是模特兒，又有家庭成員投身模界。汪詩詩21歲表妹湛琪清（JessicaJann）近日從美國返港，她身高168cm，正努力減磅，準備開心重新出發，以模特兒作起點。
汪詩詩21歲表妹湛琪清日前在中環接受訪問，20分鐘講了十多次「Iamsolucky！」表姐是汪詩詩、表姐夫是宇宙最強甄子丹，八歲第一次拍片對手是李連杰，難怪她不斷指自己是luckygirl，她以半鹹淡廣東話說：「嗰時爹哋見到報紙有公開試鏡，帶咗家姐去，有成2,000人，嗰時我好細個，得八歲，坐喺側邊等，佢哋話：『點解你唔試？』試完就揀咗我，好lucky，真係好lucky。」
夥李連杰
JessicaJ.在李連杰的《轟天炮4》（LethalWeapon4）中客串做小女孩，停學兩星期，在電影公司安排的片場學校返學，從此愛上演戲。在美國讀中學期間，也拍過電視劇、電影。
性格開朗，ABC式鬼妺仔作風的JessicaJ.，經常笑不停：「我好鍾意演戲，喺鏡頭面前，每次一出去表演就好開心，覺得好自由，希望將來可以拍戲啦，不過家廣東話咁差，我要學好啲先，同埋要減肥。」朝內有人好做官，找表姐夫甄子丹搭路、介紹，豈非更快？她說：「Donnie（甄子丹）好nice，不過我唔識打功夫，我想自己試吓先，靠自己行吓先。」
似徐子淇
JessicaJ.在香港簽約StarzPeople，笑容甜美的她去年回港接連拍了PPS、大家樂和海洋公園等多個平面及電視廣告，今年因湊大她的外公過世，傷心返美，回來要減磅收身和學廣東話，重新開始，她說：「我家OK喇，開心番㗎喇。」JessicaJ.曲長髮模樣，與千億新抱徐子淇有幾分相似，她說：「好多人都話我似佢，似佢好呀，佢好好福氣，好靚，又好開心，好好笑容，好perfect。」她謂現時最想似謝婷婷，慢慢走出自己的路：「我覺得自己優點係青春，後生乜都可試吓，乜都想試吓！」
採訪：林妙萍 攝影：林德雄
服裝提供：BCBG
湛琪清Profile
英文名：JessicaJann
年齡：21歲
身高：168cm
學歷：UniversityofCalifornia,Irvine
背景：汪詩詩、汪圓圓表妹
曾拍廣告：大家樂、海洋公園、CEONeway
