羽翹養開嘅異國短毛貓吉祥早前有咗BB，日前貓貓突然喺屋企走嚟走去，羽翹一睇之下，先發現原來生緊B，其中一隻貓BB已經露咗半個身出嚟，羽翹即刻攞番套用嚟解剖小動物嘅手術工具出嚟接生。吉祥喺分娩過程中係咁用利爪抓住羽翹嘅大髀，痛到佢忍唔住一齊尖叫。吉祥總共生咗七胞胎，大哥哥小命不保，幸好其餘六隻貓B都健健康康咋。