曼聯嘅英格蘭前鋒朗尼（右）黑山踢人事件又有新進展；「受害者」丹蘇度域（左）出聲話歐洲足協對朗尼嘅罰停3場太重、唔公平，仲話朗尼已經向佢道歉！唔止咁，呢位黑山後衞仲話佢可以幫朗尼作證求情。佢仲表示如果黑山過到附加賽呢關，想同朗尼喺決賽周再鬥多次！但就算上訴成功，朗尼仍可能會停兩場。