陳奕迅（Eason）前晚喺上海虹口足球場舉行第五次上海演唱會，佢喺八米高嘅鐘面現身，仲唱咗羅文、張國榮等前輩嘅名曲，Eason嘅歌衫由老婆徐濠縈負責，佢仲一改吹神作風，唱足一粒鐘先用上海話「儂好」同觀眾打招呼，佢又話外父同太太係上海人，對上海有份特別親切感，又話想做完騷去嘆大閘蟹，最後即興跳咗一段米高積遜嘅舞步。
