煲呔與毓民小學雞式對罵，反映出回歸十多年，香港品味之失落，包括政治品味與美學。
中國人實用主義掛帥，尤其是當代中國人，早已不知Taste為何物，本來香港人在殖民地宗主國先進文化薰陶下，八九十年代有機會在中國人社會中突圍而出，可惜，在民主化與回歸雙重夾擊下，政治品味越來越低，令人慘不忍睹。
80年代中，香港政壇仍有一種優雅，尊重人也尊重自己身份。孖田、夏佳里、葉錫安、施偉賢都穿英式三件頭西裝，在立法局前廳與鄧蓮如、陳太談笑風生。陳太頸上一串珍珠，配上同色珍珠耳環，剛走過新聞處處長邱李賜恩，高䠷身形配中式旗袍，後面是年輕政務官俞宗怡。鄧蓮如問孖田新入局矮小議員何許人也，孖田笑笑說是民協周美德，是護理界出身，大家相視一笑，有人插嘴說「還以為是女護士，真失望。」這是稱為兩局OMELCO時代最後品味歲月。
點只衣着品味咁簡單
直選先送來一批中小學老師、社工出身議員，他們愛穿寶藍色西裝，內襯紅色冷背心，當然不是大狀英式三件頭，但至少還會打呔。工會分子劉千石愛意式西裝鬆身剪裁，人說牌子是Armani。李卓人也是單衫西褲，當然不是Armani。
1995年判頭曾健成爆冷由新九組入局，肥彭特別邀請一眾民主黨新當選議員，由孖田帶隊到港督府燒烤，席間肥彭送了一條以牛為圖案領呔畀曾健成。佢用好Subtle方法叫阿牛要自重及尊重立法局，要打呔出席大會。
DressCode又點只係衣着品味咁簡單，佢係一種無形嘅行為規範。毓民雖然也着西裝，但係有膊全白西裝加白鞋，造型似日本Yakuza，尖東「除」迎面襲人。大嚿近年為貼近80後愛包頭，可惜佢咁大隻，有同志Feel，似足日本漫畫配角。長毛算正常，來來去去只穿哲古華拉圖像Tee。
公民黨大狀也唔見得好，傑哥着西裝似四方盒，湯大狀有種老阿飛味，余女神太優閒，你會唔會見到日本內閣女大臣蓮舫穿長裙左披右搭出席國會會議，或去永田町開會。特首穿着如英式紳士，不但外表要似，內涵也要似，政治美學除了一身造型，也包括修辭、辯論、姿態成套環環相扣，不只是打個煲呔咁簡單，砌人也要砌得有型。
添馬男