百物騰貴，十蚊豬肉唔夠拳頭大，餸菜好難慳，不如在煮食工具方面落手。幾個煮食袋就可以一鑊熟，慳油慳火慳時間，慳得醒目又對得起自己個肚！
記者：張文蕙
攝影：蔡家輝
Model：Rika@GME
1 省油省火煮食袋
餸菜食剩唔好嘥，「煮婦」翻熱隔夜餸，不妨試用Ecolor綠色生活家品系列的防黏底煮食袋，杏色煮食袋外表有如牛皮紙，實際是一種能反覆清洗使用的耐熱物料；表面為滑身防黏設計，用幾個袋盛起幾種隔夜餸，一次過放平底鑊中翻熱，慳時間又慳煤氣，用完像平日洗碗般清洗即可，好方便！另有同系列煮食紙，一張過鋪在平底鑊先嚟煎炒煮餸，加少許油即可烹調出健康佳餚，又唔怕黏底。
2 膠紙暖水唔用電
靚女都知日飲八杯暖水能補水嫩紅潤肌膚，不過終日插住電水壺Keep住水溫都頗耗電，不如試試環保方法，利用太陽能!用有如叮噹法寶的「神奇吸熱煲水膠紙」包住膠水樽，放陽光下吸熱數小時，樽內凍水便會加速受熱變暖！膠紙上印有動植物圖案，具環保之意亦能為單調水樽增加生氣。
3 循環再用焗爐墊
焗製甜品總會產生大量廢物，抹手紙都用了一大堆，要脫離敗家行列，除改用毛巾外，焗小蛋糕時所用的紙杯仔、牛油紙或錫紙，通通可改用耐熱矽膠產品，而且顏色豐富，有些還附有吸引的3D圖案，用後洗淨即可循環再用，長遠來說慳好多。
4 一觸開關省水87%
廚房用水量不少，烹調或清洗亦然，使用曾獲美國匹茲堡發明獎、台灣Hihippo觸控式龍頭開關即能省水，其OneTouchTap開關很方便，用手指頂一頂水喉底粒「的」即可開關龍頭，這設計亦可防止滴漏做成浪費，省水率達87%。
5 洗潔精與刷頭2in1
洗碗時見鋅盆皂泡紛飛，可有反省一下是否用得太多洗潔精？利用洗潔精與刷頭二合一的清潔刷吧！注入洗潔精後輕輕一按，洗潔精即會於刷縫間的小孔唧出以減低用量，而且全程一手操控，又一方便人的發明。
a.Felissimo（25656565）
b.ILoveKitchen（28151883）