車路士嘅球探早前睇咗場英格蘭U16嘅比賽，見到年僅14歲嘅米爾頓凱恩斯中場奧祖（圖）後備上陣咗兩分鐘，就造就隊友入波，即刻「一見鍾情」。車仔喺45分鐘內連續3次出價，最終令到米爾頓凱恩斯放人，轉會高達200萬鎊（約2,500萬港元）。另外，家藍戰士嘅助教迪馬堤奧有機會另謀高就，據報瑞士班霸巴素利正力邀佢跳槽，坐正做教練。