畢爾包上仗打吡戰贏波開齋，士氣大振，周一西甲回師主場，面對作客唔識贏的奧沙辛拿，料可延續勝軌，熱捧1.72倍主W。
牽牛
畢爾包上仗憑中鋒洛蘭迪梅開二度，2:1擊敗皇家蘇斯達，取得今季聯賽首勝；這位入球功臣在西班牙兩場國際賽中，只有一場後備上陣，雖然歸隊後一度缺操，但料不影響今仗為畢爾包上陣。而查維馬天尼斯、阿武列比達等國腳亦歸隊，只有伊戈馬天尼斯、沙比卡斯迪路兩名傷兵缺陣，戰力可以維持。
奧沙辛拿攻力疲弱
雖然畢爾包3場主場聯賽仍未嘗勝，但喜見前仗已在歐霸盃擊退法甲億萬大軍巴黎聖日耳門，水準極高；與奧沙辛拿對賽往績亦有優勢，近4次主場均贏對手，當中更有3次淨勝兩球或以上。主W可信心出擊外，亦可敲「讓球主客和」[-1]「主勝」。
奧沙辛拿仍維持穩守突擊風格，開季至今除了有放棄之嫌下0:8慘負巴塞隆拿外，其餘5場均保不敗，當中4場和波，反映球隊爭勝能力有限。陣容方面，後衞伊查迪及中場索查仍因傷缺陣，球隊自放走艾蘭達、彭迪安尼等前鋒後，前線攻力疲弱。事實上，除了連奴攻入一球外，今季其餘入球都來自中後場球員，包括前馬體會中場魯爾加西亞累積3個入球。
考慮奧沙辛拿今季3場作客只得2和1負，上季更屬聯賽第4差作客球隊，只要畢爾包維持國際賽前氣勢，可望取得3連勝。
星期一9
畢爾包vs奧沙辛拿
半全場：主/主
盤口：畢爾包[-1]
讓球主客和：H主勝
2:0