【本報訊】客人玩到癲，職員做到殘。海洋公園員工阿蕉（化名）向本報透露，「哈囉喂」期間每天人均工作13至14小時，同事皆筋疲力竭，質問：「會否有足夠精神留意遊客和機動遊戲的安全？是否就是（海洋公園）近來頻頻出事的原因？」他透露，有同事由早上9時45分工作至翌日凌晨零時30分才下班，連踩近15小時。
另一員工解釋，公司規定以每個月內有多少個星期一而定下該月例假日數，剛巧10月有5個星期一，即有5天例假，加上國慶及重陽兩日勞工假，員工共可放7天假，假期多了，上班人手便減少，因此本來三人負責的工作，變為一人負責。該員工說：「有機動遊戲操作員，全日都係一人負責，只有食飯嗰半小時或去洗手間至有上司頂替一吓，好彩佢負責嘅遊戲冇乜危險性！有做餐廳嘅朋友話，一個下晝已經做咗十萬幾生意，工作量可想而知，但晚上仲要做「哈囉喂」晚餐，體力已不勝負荷，搞到周身骨痛！」