家艾辛變咗玻璃人，朴智星又唔係成日踢正選，咁今季英超嘅體能王究竟係邊個呢？數吓數吓，原來係升班馬諾域治嘅中場巴特利莊臣（圖）。根據統計，佢今季每場至少都跑到12公里，之前作客對曼聯，佢仲跑到12.9公里。但呢位24歲嘅英格蘭球員就叫大家唔好當佢係跑狗，佢話自己喺場上最大嘅作用係攔截對手，唔係得個跑字！