俗語有話：喺度食，就唔好喺度屙，但列斯聯嘅領隊加利臣（圖）似乎唔識呢個道理，偷嗒球會入面嘅女職員，最後俾人踢爆佢搞婚外情。加利臣今年年頭已經搭上呢位神秘女職員，佢老婆發現咗之後，已踢咗佢出屋企門口，24年嘅感情分分鐘一鋪玩完。如果最後搞到離婚嘅話，最慘就係佢哋12歲嘅囝囝阿祖，希望加利臣為個仔着想，快啲同老婆認錯啦！