蒙嘉慧昨日到港台出席單元劇《女人多自在》記招，雖然蒙嘉慧近日甚少出現，但依然是非不絕，她早前於微博恭賀男友鄭伊健的舊愛梁詠琪（GiGi）新婚，但惹來GiGi的fans狂罵，及後又傳出她炒燶孖展蝕過百萬，對於祝福GiGi一事，蒙嘉慧說：「我係真心祝福GiGi，好似莫文蔚同郭羨妮我都有祝福，大家係同行，我覺得件事好正面。」
至於被指炒燶孖展，蒙嘉慧聲稱只買藍籌：「孖展係乜我都唔識，我只係買啲自己儲錢嗰間銀行嘅藍籌，呢啲作出嚟嘅新聞，我覺得唔使回應。」
否認嫁伊健
另外，近日亦傳出蒙嘉慧和伊健好事近，她笑說：「傳聞唔係真，我唔係結婚。就算結婚都唔係好多嘢要搞，可以好簡單。」蒙嘉慧指結婚對她的現況來說，只是簽多張婚紙而已。
採訪、攝影：譚倩宜