08年港姐出身的姚婷芝昨晚與美籍韓國老公在荃灣顯達鄉村俱樂部設婚宴12席，主要宴請親朋好友出席，DJ麥潤壽一家與錢國偉均有到賀，酒席的佈置亦以白色和綠色簡單佈置為主。
玩謝老公
身穿低胸婚紗的姚婷芝表示，註冊儀式將於下周三在美國進行，她說：「今晚（昨晚）係同香港嘅親友食飯，雖然我老公係韓國人，但係朝早都做傳統嘅接新娘儀式，佢同埋啲兄弟幾乎俾姊妹團玩謝，好似要啲兄弟用紅底褲笠頭面向牆，跟住叫我唔識寫中文字嘅老公，喺佢哋背脊寫上「姚婷芝我愛你」，佢惟有照抄。」至於婚後會否定居美國？她說：「我仲未有美國居留權，加上又約滿無綫，所以會先喺美國住一段時間，生BB就會順其自然。」
採訪：馬建華 攝影：黃偉雄