陳山聰與伍詠薇（伍姑娘）的「絕交」風波仍未完結，山聰雖已認錯，但伍姑娘一直不接受。前晚伍姑娘到電視城為《變身男女ChokChokChok》錄影最後一集，伍姑娘一見傳媒即說：「如果問嗰啲（絕交）都係冇回應。我家要同TVB做訪問，唔係部頭約都冇得簽。」問伍姑娘是否像之前一樣要嬲一個月？她說：「千祈唔好咁講，都係冇回應。」
而山聰同伍姑娘前日分別接受無綫《娛樂頭條》訪問，山聰再認錯並哽咽說：「係我唔啱，令佢咁嬲咁唔開心……我明白，就算有人道歉都未必第一時間覆佢。」伍姑娘則不想再與山聰扯上關係，說再講會令她不舒服。另山聰昨於電視城首日開工拍劇集《天梯》，他否認雜誌指他首天開工甩底：「我唔開工應該全世界都知，預咗有唔同聲音，我只會做好本份。」
採訪、攝影：李珮洳、卓寶花