卓能集團（131）主席趙世曾父親是已故船王趙從衍，雖然有顯赫家族背景，但趙世曾對本報表示，「我做嘅係地產，父親做航運，都唔同行業，累積嘅財富係做則師儲返嚟，唔係繼承家族。」那其子女會否繼承其財產？他指不能披露敏感的私隱。
讚利豐馮氏青出於藍
對於現時的「富二代」，趙世曾認為，「要睇個人成就，有啲勤力做嘢，好似利豐（494）馮氏家族咁，家生意做得大過以前，青出於藍（註：馮柏燎是利豐創辦人之一，利豐現已傳至第三代，現時利豐主席及副主席分別為馮國經及馮國綸）。不過有啲就做得差，不務正業，成為二世祖，將家族生意敗壞。」
他強調，個人因為努力工作，取得現有的事業成績及財產，「我非常享受工作，同時享受人生。當有好成績就會開心，做得唔好會沮喪，人生總有高低潮，要樂觀面對，遇到逆境時吸取教訓，更加努力。有時唔係你做錯乜，而係環境產生，自己一定要撐過去。」他指地產業高低起伏大，如2003年沙士時，他趁機買地入貨，當市況轉好時便有錢賺。