年輕一代多愛透過網絡購物或交易，皆因價錢較平、款式多且潮，甚至有人利用社交平台facebook進行交易。但要留意私人交易及交收沒有保障，賣家可能「走貨」或「走數」，買家追討無門。有少女於facebook與一名賣家交易，付款後對方未如期交貨，亦未兌現退款承諾！消費者委員會指網上私人交易難獲保障，若疑受騙建議報警。
讀者冼小姐在facebook看中一件心水泳衣，即向賣家查詢。「件泳衣170蚊，款靚又唔貴。個賣家話唔可以面交，要求我入咗錢到佢戶口先畀貨，我照做，但過咗數一直冇畀貨我」。一星期後冼小姐再向賣家查詢，對方先推說兩天後有貨，其後又答允退款，承諾一星期內退錢到冼銀行戶口。「過咗一個星期，當然未見佢過錢，最後連聲氣都冇」。賣家更在facebook名單刪除冼小姐，已聯絡不上。
冼以男友facebook戶口將賣家「加為朋友」，竟又獲接受。「好明顯佢想走數，先『remove』咗我，用另一個人戶口又可以『add』番。一件泳衣百幾蚊唔係貴，但佢呃到十個都有成千幾蚊，好和味。唔想再有人受騙」。
要求先過數才寄貨
記者以私人facebook戶口聯絡賣家，查詢冼小姐欲購買之同一件泳衣是否仍然有售，獲覆已售罄，另記者再查詢其他貨品，亦被要求先過錢到其銀行戶口及不可面交，只可郵遞交收。
由於冼小姐沒報警處理，警方表示難以界定是否屬網上騙案，並建議她先報警。
檔案編號：0904005
網購騙案半年391宗
消委會指出，於網上購物應先和賣家有充份溝通與理解，並避免大額交易。此外，消費者應謹記切勿直接將貨款寄送賣家或過戶到賣家銀行戶口，建議經由有信用的第三者中介付款機構付款，以增加保障；惟亦須留意中介公司訂立之條款，當遇糾紛要求取消買賣或賠償時，可能需要專家報告或公證報告以協助該公司判斷。境外公司或私人交易之糾紛，乃消委會職權範圍外，未能處理。
2011年截至8月，消委會收到之網上購物投訴有222宗；而警方於2011年截至6月，有關網上商業騙案數字則有391宗。
社會服務
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網上捐款： http://charity.appledaily.com.hk/donate
◆各類表格： http://charity.appledaily.com.hk/forms
匿名投訴恕不處理。一經投訴，本報保留刊登權利。