周慧敏、莊思敏、AnaR.和陳嘉容等，昨日在澳門出席婚紗活動。周慧敏穿上設計師BarneyCheng的金色吊帶裙，紅唇復古髮型，罕有地性感，她說：「件衫都改咗三次，入面都着唔到啲乜，好窄。」令人想起93年、近20年前的宮廷性感look，她指當年原意並非如此。
想基仔結婚
周慧敏說：「當年係一個意外，嗰排睇咗《驚情400年》好鍾意女主角個造型，所以叫余家安訂做，但又趕唔切，最終搵咗嗰件衫，係細到連拉鏈都拉唔到，我其實唔係好接受到，就算fans拎呢張相畀我簽名，我都唔會簽。」談到好友古巨基和女助手Lorraine傳已註冊，她表示如屬真，會開心落淚。
採訪：梁錦雯 攝影：黃文偉