謝安琪（Kay）的新專輯《你們的幸福》，找來林海峰（Jan）擔任唱片封套美術指導，阿Jan特別找人在Kay身體畫上白色花，又加上手繪的眼淚，畫上身的花便用了3小時製作，Kay坐定定不能動，連上洗手間都要小心。
自嘲瞓醒樣衰
Kay苦笑說︰「唔可以郁唔算大問題，最慘係畫身嗰陣好痕，但又要忍住唔郁得，惟有不停同工作人員講嘢分散注意力，不過睇到出嚟嘅成果，點辛苦都值得。」
此外，Kay要扮剛剛睡醒望着枕邊人般拍下甜蜜笑容，她說︰「我諗我瞓醒嗰陣唔會笑笑口，我怕開口有口臭，個樣又好『烏wer』。」跟住Kay又要扮跑步跑到汗流浹背，為加強效果，所以不停於旁邊向Kay噴水，她笑稱感覺好像參加潑水節。撰文：林妃