小齊封青雲永恒影帝

小齊封青雲永恒影帝

任賢齊與劉青雲在杜琪峯執演的新片《奪命金》中首次合作,青雲有機會憑《奪》片,與周潤發、梁朝偉、劉德華及謝霆鋒等,競逐來屆的金像獎影帝,青雲對於每次遇上多位剋星對手,故沒甚寄望。

當已攞獎

青雲說:「慣啦,冇所謂,順其自然,盡力部份已經做咗,提名對我嚟講已經係得獎。」仰慕青雲的任賢齊在旁安撫說:「青雲喺我心目中係永恒嘅影帝,亦係公認嘅事。」
任賢齊透露,他在《奪》片中與胡杏兒飾演夫妻,二人因為買樓而爭拗,面對一般香港家庭問題及壓力。
小齊說:「演活香港人與人之間疏遠、冷淡、匆忙,一啲人打兩、三份工,生活壓力好大。我喺香港都有物業,對於台灣人嚟講係好貴,台灣住所呎數大,空間闊啲,可以放鬆啲。」
採訪、攝影:張俊銘