吳綺莉早前喺自己主持嘅無綫生活台節目《女人有話兒》，請咗老友謝寧同鄭明明做嘉賓，兩位都係商場女強人，一個搞餅店，另一個搞咗多年嘅美容生意，同樣咁成功，不過之前謝寧曾經傳出同拍檔不和，佢就乘機回應：「我覺得生意係做唔完，錢亦賺唔完，我都鼓勵客人試其他人嘅餅，我身邊好多朋友做餅，但大家絕對係朋友，唔係競爭對手。」