近年唔少南韓國腳到英超搵食，成績都唔錯，最出名嘅當然係朴智星，至於今季加盟新特蘭嘅20歲前鋒池東沅（圖）亦開始上位，有望喺下星期日首次正選，作客撼阿仙奴，事關由兵工廠外借至新特蘭嘅賓特拿，受合約條款所限唔可以上陣，新特蘭領隊布魯士睇完南韓對阿聯酋嘅世盃外後，對池東沅讚不絕口：「池東沅一直都好勤力同主動，好想盡快融入球隊，所以我哋好樂意畀機會佢。」